رَسانک نیوز/ جمے 2 آبان ماہ 1404 ءِ شپ ءَ، چھبار ءَ امنیتی باسک ءِ سادہ پوشیں ٹولی ءَ بلوچی ءَ پد چہ ایشی ءَ کہ چھبار ءَ شتگ چہ بلوار ءِ توھید ئے المدینہ رستوران ءَ دزگیر کرتگ.
اے بلوچے پجّار «اُمر ازیزی»، 25 سالگ، کریم بکش ءِ چُک، بُندر ءَ کسرکند ءِ ازیز آباد دمگ ءِ نندوک زانگ بوتگ.
رَسانک ءِ ھال سرکنوکانے رِد ءَ، اُمر جمے روچ ءَ چہ کسرکند ءَ، چھبار ءَ شتگ۔ ساھت نُہ ءَ پہ شام ءِ ورگ ءَ المدینہ رستوران ءَ روگ ءَ پد، امنیتی باسک ءِ سادہ پوشیں ٹولی گوں دو پژو پارس گاڑی ءَ آئی دزگیر کرتگ ءُ آوار جتگ۔ امنیتی ٹولی ءَ رستوران ءِ کیمرہ ءُ دورگِند گوں وتا برتگ اَنت.
ھال سرکنوکان ءَ گوشتگ: اُمر ءِ ھاندان ءَ گوستگیں سئے ایں روچان ءَ باز رندگیری کرتگ بلے ھچ امنیتی ادارہی آئی ءِ دزگیر کنگ ءُ آوار جنگ ءِ زمہ واری نہ منّتگ۔ ازیز ءَ داں انگت گوں لوگے مردمان ءَ ھال اھوالے نہ کرتگ.
داں اے وھدا آوار جنوکیں ادارہ ءُ آئی ءِ سرا بستگیں الزام زانگ نہبوتگ۔ بلے رَسانک ءِ ھال سرکنوکان ءَ گوشتگ: اے بلوچ چہ تامین زورتگیں جھمنندان اِنت کہ پد چہ جان بَکشی ءَ بلوچستان ءَ واتر بوتگ.
Be the first to comment