رَسانک نیوز/ 3 آبان ماہ 1404 ءَ، دُزاپ ءَ ریگی کبیلہ ئے دو کُٹھمدان سپرزایی ءُ نسرویی ءِ لہتیں ورنایانی میان ءَ اَڑ ءُ جیڑ گوں کبیلہ ءِ کماش ءُ سروکیں مردمانی جُھد ءُ میانجی گری ءَ، پہ رازی نامہ ءُ سلاھ کاری ءَ آسر بوتگ۔ اے دیوان گوں براتی ءُ دوستی ئے ماھولی ماں نزر ریگی (نسرویی) ءِ پتّر ءَ برجم دارگ بوتگ. دیوان ءَ دوئیں کٹھمدان آن ءَ پہ آرام بوھگ ءُ تپاکی ئے گیش کنگ ءُ یکّادگرا اِزّت ءُ اھترامئے دیگ ءَ زور داتگ۔ پیش اَتکگیں جیڑہ آں گوں ایمنی ءَ آسر بوتگ اَنت.
اے مراگش ءَ کماش ءُ مزنیں مردمان ءَ گوں وتی پنت ءُ شرّیں ھبر آں پہ رازی نامے بوھگ ءَ ٹوھیں کِردی ادا کرتگ. دوئیں کٹھمدان آن ءَ پہ دیم روژنی جیڑہ آں آسر کرتگ ءُ زور داتگ کہ گوں دوستی ءُ یکّادگرے اِزّت ءُ اھترامئے دیگ ءَ سماج ءَ آرام بہ کننت.
Be the first to comment