رَسانک نیوز/ 28 مہر ماہ 1404 ءَ، بلوچستان ءِ اُوستمان ءِ گل ءَ گوں جارتاک ءِ شنگ کنگ ءَ، ملا کمال سلاھزھی گمواریں اسپیت ریش، سلاھ دوستیں بلوچ ئے ترور ءَ گوں زوریں دانک آں میاریگ کرتگ ءُ اے کاروایی ءَ پہ بلوچانے سلاھ ءُ رھشون ئے دیگ ءَ چِست بوتگیں توار آنے گُٹ گِر کنگ ءَ جُھدے زانتگ. جارتاک ءَ اے گپّ ءَ زور دیگ بوتگ کہ جمہوری اسلامی ئے امنیتی ادارہ آں مدام پہ سروک ءُ ڈلگیں بلوچانے ترور کنگ ءُ بلوچ کبیلہ آن ءَ گوں یکّا دگرا اَڑینگ ءَ بہر زورتگ.
اے جارتاک ءَ جاھے ءَ گوشگ بوتگ: ملا کمال ءَ وتی زند ئے بازیں سال آں پہ بلوچ کبیلہ آنے میان ءَ سلاھ کاری ءُ بلوچانی گوں یک دگرا سلاھ کنگ ءَ گوازینتگ.
آئی ءَ انسانیت ءِ ارزشت ءَ سرپد ءُ تُپاکی ئے سرا باوری بوتگ، اے پیم ءَ آئی ءَ توانتگ سد آنے ٹکّر ءُ جیڑہ آں پہ سلاھ ءَ بدل بہ کنت ءُ اے وڑا بازیں ھون ءُ کوش ءِ دیم ءَ بہ داریت.
بلوچستان ءِ اُوستمان ءِ گل ءَ ملا کمال ءَ سماجی زمیر ءُ انسانیت ئے چیدگ زانتگ. اے گل ءَ گوں آئی ءِ ھاندان ءُ سیاداں ھمیں وڑ سجهیں بلوچاں دلپدردی درشان کرتگ ءُ گوشتگ: ملا کمال ءِ یات ءُ راہ ابدمان اَنت ءُ ھچ تروری بلوچانے آگہی ءُ تپاکی ءِ دیما داشت نہ کنت.
Be the first to comment