پہرہ ءَ آروس یے سرا تیرگواری ءِ ردیں ھیل ءَ وشّی یے مراگش پہ گمناکیں وڑے آسر کرتگ، جنیں آدمی‌ کُشگ ءُ دگرے ٹپیگ بوتگ

رَسانک نیوز/ پنچشمبے 24 مہر ماہ 1404 ءِ بانگواہ ءَ، پہرہ ءَ آروسی دیوانے ءَ چہ تیرگواری ئے ردیں ھیل ءَ، پہ نازانتی ءَ دو جنیں آدم ءَ تیر وارتگ کہ یکے کُشگ ءُ دگری ٹپیگ بوتگ، اے ردیں ھیل ءَ یک ورنائیں جوڑی یے آروس ءِ دیم دارگ ءَ ھور یک ھاندانے پُرسیگ کرتگ.

مرتگیں جنیں آدمے پجّار «مریم امینی (شیر ھانزھی)»، 25 سالگ، ابدللتیپ ءِ چُک، ٹپیگ بوتگیں جنیں آدمے پجّار گوں ھاندانے نام «ارژنگ»، دوئیں جنیں آدم بُندر ءَ پہرہ ءِ نندوک زانگ بوتگ اَنت.

رَسانک ءِ ھال سرکنوکانے رِد ءَ، سلاہ ءِ زورَگ ئے وھدا پہ نازانتی ءَ تیر چہ تُپنگ ءَ سستگ ءُ دیوان ءَ بہر زورتگیں جنیں آدمی ءَ ماں گردن ءَ لگتگ ءُ سکّ ٹپیگ بوتگ۔ نادراہجاہ ءَ سربوھگ ءَ پد، آئی ءَ ساہ داتگ۔ ٹپیگ بوتگیں جنیں آدم ءِ درمان ھاتم الانبیاء ئے نادراہجاہ ءَ بیئگ اِنت.

گوشگ لوٹیت آروس ءُ پُرس ئے دیوان آنے سرا تیرگواری ءِ ردیں ھیل ءَ بازیں مردمی یے ساہ گپتگ ءُ بازیں دگہ ٹپیگ کرتگ۔ بلے لہتیں مردم انگت ءَ اے ردیں ھیل ءَ کارمرز کننت ءُ آیانے اے کار گوں شرگداری ءَ ھوار اِنت۔ پہ مھلوک آن ءَ آسانے سرا سلاہ ءِ دسرس بیئگ، شرگداری یے کہ زمہ واراں گوں آئی ءَ دوچار اَنت۔ لہتیں مردمانے ردیں تیرگواری، سیر آنے وڑیں رشّ ءُ کَشّیں جاہ آں ھر چّنت وھدا پد، جھمنندانے ساہ گپتگ ءُ وشّی ئے دیوان آں پہ پُرس ءِ سما ءَ بدل کرتگ.