رَسانک نیوز/ دوشی 16 مہر ماہ 1404 ءَ، سرکاری میڈیا ءَ زابل ءُ نہبندان ءِ ریگستانے راہ ءَ سلاہ بندین ٹکّرے ءَ نزامی سرہنگے کُشگ بوھگ ئے ھال شنگ کرتگ.
سیستان ءُ بلوچستان ءِ پلیس ئے میڈیا بہر ءِ شنگ کرتگیں ھالے رِد ءَ، سلاہ بندیں مردمانے تیرگواری ءَ سرہنگ «گلامرزا جمشیدی» ءَ تیر وارتگ ءُ ساہ داتگ.
اے ھالے رِد ءَ، ٹکّر ھماں وھدا پیش اَتکگ کہ مواد ءِ بند کنوکیں پلیس پہ وتی آؤکیں کاروائیانے راہ ءُ درے ٹپّاس ءَ گشت کنگ ءَ بوتگ کہ سلاہ بندیں مردمان ءَ آیانے سرا تیرگواری کرتگ. سرکاری میڈیا ءَ اے بابت ءَ گیشتریں ھالے شنگ نہکرتگ.
Be the first to comment