رَسانک نیوز/ جمے 11 مہرماہ 1404 ءَ، واش ءِ آزادی روڈ ءَ جمے بازار ءِ نزّیک ءَ، بلوچے زھگے کہ آئی ءِ پجّار «اھسان سوریزھی»، 12 سالگ، بابل ءِ چُک زانگ بوتگ پژو پارس گاڑی ئے بے پجّاریں نندوکان ءَ ھماں وھدا کہ وتی چرک ءَ سوار بوتگ آوار جتگ، سئے روچ ءَ پد داں انگت ءَ بے ھالے سرپدئے اِنت.
رَسانک ءِ ھال سرکنوکان ءَ گوشتگ: ویلے وھدا اھسان گوں سنگت ءُ ھمسروکاں وتی چرک ءَ گوازی کنگ ءَ بوتگ پژو پارس گاڑی ئے بے پجّاریں نندوکان ءَ آئی پہ ھژم ءُ زورا آوار جتگ ءُ گاڑی ءَ تہا کرتگ ءُ گوں وتا برتگ۔ چہ آں وھدا بہ گر داں انگت ءَ آئی ءِ ھچ ھالے سرپد ئے دست نہ کپتگ ءُ اے گپّ ءَ لوگے مردمانے دل پریشانے گیش کرتگ.
اھسان سوری زھی ئے ھاندان ءِ مردمان ءَ وتی پئون ءِ نمبر شنگ کرتگ اَنت:
0915 033 1833
0915 378 3088
آیان ءَ چہ مھلوک ءُ جھمنندان ءَ لوٹتگ اھسانے باراوا دست کپتگیں ھال آن ءَ اے نمبراں سر بہ کننت. اھسانے ھاندانے مردمان ءَ گوشتگ: اگاں کسی ءَ پہ جیڑہ اے دیمی ءَ، یا کہ گلت پھمے ءِ سرا مئے چک آوار جتگ ما پہ دیوان ءُ ھبرا تیاریں بلے مئے زھگ ءَ ھر چی زودتر ءَ آجو بہ کن اَنت.
Be the first to comment