رَسانک نیوز/ مروچی سئے شمبے 15 مہر ماہ 1404 ءَ، پہرہ ءُ سرباز ءِ راہ ءَ سرکور ئے زبری بُگ دمگ ءَ دو ٹیلکشوکیں گاڑیانے ٹوکر ورگ ءُ بُن گرگ ءَ دو ٹیلکش ءَ ساہ داتگ ءُ دو دگہ ٹپیگ بوتگ.
ساہ داتگیں دوئیں بلوچے ٹیلکشّ آنے پجّار «آرپ گنگوزھی»، 27 سالگ، ھُسین ءِ چُک۔ «مھمد اسلامزھی»، دوئیں دُزاپ ءِ نندوکیں مردم زانگ بوتگ اَنت۔ ٹپیگ بوتگیں دوئیں بلوچے ٹیلکشّ آنے پجّار «اسلم بلوچی»، کہ دستے سوتکگ ءُ «الی بلوچے»، کہ اے ٹیلکشئے دیم سوتکگ دوئیں سرباز ءِ (زبری بُگ) دمگ ءِ نندوکیں مردم زانگ بوتگ اَنت.
رَسانک ءِ ھال سرکنوکانے رِد ءَ، اے ٹوکر ءَ دوئیں ٹیلکشّ آن ءَ گاڑی ءِ تہا گیر کرتگ ءُ آس ءَ سوتکگ اَنت.
ھال سرکنوکان ءَ گوشتگ: اے ویل تُندیں شیپ ءِ سرا ءُ چہ سُریت ءِ باز بوھگ ءَ پیش اَتکگ ءُ گاڑیاں کہ ٹیل ءَ بار بوتگ اَنت گوں ٹوکر ءَ بُن گپتگ اَنت.
Be the first to comment