رَسانک نیوز/ جمے روچ 11 مہر ماہ 1404 ءَ، دُزاپ ءِ شیرآباد دمگ ءَ تاریک 5 مہر ماہ ئے ساھت 18:30 ءَ پژو 405 گاڑی ئے بے پجّاریں نندوکان ءِ دست ءَ آوار جنگ بوتگیں بلوچے گونڈیں زھگے پد چہ شش روچ ءَ آجو بوتگ.
آوار جنگ بوتگیں بلوچے گونڈیں زھگے پجّار «اُمر دھمردہ»، 5 سالگ، داوود ءِ چُک، دُزاپ ءِ شیرآباد دمگ ءِ نندوک زانگ بوتگ.
دیمترا زھگے ھاندان ءَ گوشتگ: اے زھگے پت کارگری ءُ بے نمبر پلیٹیں پژو 405 گاڑی ئے بے پجّاریں نندوکان ءَ آئی ءَ چہ لوگے نزّیک ءَ آوار جتگ ءُ گاڑی ءَ سوار کرتگ ءُ برتگ.
گوشگ لوٹیت: ایرانے کانونے رِد ءَ، اسلامے ھکم آنے کارمرز کنگے 621 اُمیں کانون (پابندی ءُ جرمانہ) ئے بہر ءَ جھمنندانے آوار جنگے ھُکم ئے سرپدے دیگ بوتگ۔ کانونے اے بہر ءَ گوشتگ: ھر کس جھمنند ے ءَ پہ زرّ، مال، بیڑے گِرگ ءُ یا کہ دگہ سوبے ءَ آوار بہ جنت ءُ چئیر بہ دنت آئی ءِ ھُکم چہ 5 سال ءَ بہ گر داں کہ 15 سال بندیگ کنگ اِنت۔ اگاں آوار جتگیں مردمے اُمر چہ 15 سال ءَ کم بہ بیت، آوار جنگے وھدا گاڑی ءُ سواری کارمرز بہ بیت، آوار جتگیں مردم جنسی ءُ جسمی آزار دیگ بہ بیت، یا کہ آئی ءِ وکار ءُ اِزّت پادلپاش کنگ بہبیت، گُڑا آوار جنوکان ءَ گیشتریں ھُکم دیگ بیت کہ ھماں پانزدہ سال بندیگ بوھگ اِنت، اگاں آوار جنگ ءِ وھدا، آوار جنگ بوتگیں مردم ءَ نُکسے سر بہ بیت، یا کہ ٹپیگ بہ بیت، ایشانے ھکم گوں آوار جنگے ھکم سرجم بہ اَنت.
Be the first to comment