رَسانک نیوز/ پنچشمبے 3 مہر ماہ 1404 ءَ، شستون ءُ گُشت ءِ راہ ءَ، چہ گشت ءَ پنچ کیلومیٹر ڈنّ ءَ بلوچے ٹیلکشّے چہ گاڑی ئے لیٹ ورگ ءَ ٹپیگ بوتگ ءُ ساہ داتگ.
اے ٹیلکشّے پجّار «پرزاد مھمد ھسنی»، 22 سالگ، بُندر ءَ شستونے کوھگ دمگ ءِ نندوک ءُ انّیگیں وھدا شستون ءَ جھمنند بوتگ.
بلوچستان ءَ ٹیلے کَشّگ گچین کرتگیں کارے نہ اِنت بلکے اُدے نندوکیں مردماں چہ تنگدستے ءُ ناچارے ءَ اے پر ھتریں کارا دیم کرتگ۔ اُداں نہ الکاپیں کارے است اِنت ءُ نہ کارھانہ اے، مالے جنجال ءُ پریشانے آں ھم سرکار ءَ پہ زانتکارا جوڑ کرتگ اَنت۔ اے جاور آں گوں بازیں ھاندانے زندماں آسر کنگ ءِ سِتک ءُ بہروسہ ءَ ماں ٹیلے کشّگ ءَ زاننت۔ ٹیلے کشّگ ھماں کار اِنت کہ شرتریں بانداتے پولَگ ئے بدل ءَ بلوچانے جان ءُ مال گیشتر ھترا دیمپان کرتگ.
Be the first to comment