رَسانک نیوز/ یکشمبے روچ 30 شہریور ماہ 1404 ءَ، پہرہ ءِ نوک آباد دمگ ءَ سلاہ بندیں مردے چُنت بلوچے سرا کہ وتی وامدارے گِرَگ ءَ شُتگ اَنت تیرگواری کرتگ۔ اے تیرگواری ءَ بلوچے ورنایی کُشگ ءُ آئی ءِ برات ءُ ھمراہ ٹپیگ بوتگ اَنت.
رَسانک ءَ کشگ بوتگیں بلوچے پجّار«آریا نارویی»، 19 سالگ، اسلام ءِ چُک، آئی ءِ ٹپیگ بوتگیں برات ءِ پجّار «پوریا نارویی» زانتگ، آیانے ھمراہ ءِ پجّار کہ گردن ءَ گونڈیں ٹپّے وارتگ داں انگت زانگ نہ بوتگ.
رَسانک ءِ ھال سرکنوکانے رِد ءَ، سلاہ بندیں مردے تیرگواری ءَ آریا دل ءُ گُٹ ءَ تیر وارتگ ءُ جاہ ءَ ساہ داتگ۔ آئی ءِ برات ءَ دست ءَ تیر لگّتگ ءُ ٹپیگ بوتگ۔ ھمیں وڑا آیانے ھمراہ ءَ گردن ءَ گونڈیں ٹپّے وارتگ ءُ دوئیں ٹپیگ پہ درمان ءَ نادراہجاہ ءَ سر کنگ بوتگ اَنت.
ھال سرکنوکان ءَ گوشتگ: چہ تیرگواری ءَ دیمترا آریا ءُ پوریا ئے پت پہ وتی وامانے پچ گِرَگ ءَ شُتگ، بلے وامدارا زر نہ داتگ پدا آئی ءَ وتی چُک پونے سرا ھال داتگ اَنت، آیاں جاہ ءَ سربوتگ اَنت کہ وامدارا تیرگواری کرتگ.
Be the first to comment