رَسانک نیوز/ 21 شہریور ماہ 1404 ءَ، واش ءَ سلاہ بندیں جھمنندے ءَ بلوچیئے سرا تیرگواری کرتگ۔ بلوچ ءَ تیر وارتگ ءُ جاہ ءَ ساہ داتگ.
اے بلوچے پجّار «شھرام شہنوازی»، 20 سالگ، لُنڈ، الیاس ئے چُک، بُندر ءَ واش ءِ نندوکیں مردمے زانگ بوتگ.
رَسانک ئے ھال سرکنوکان ءَ گوشتگ: سلاہ بندیں مردم ءَ ھماں وھدا کہ شھرام ٹیل ئے پمپ ءِ نزّیک ءَ ھپتاد گزے روڈ ءَ کدم جنگ ءَ بوتگ آئی ءِ سرا تیرگواری کرتگ کُشتگ.
ھال سرکنوکان ءَ گوشتگ: سلاہ بندیں مرد چہ ھماں مردمان اِنت کہ آیان ءَ سپاہ ءِ شِنگ کرتگیں سلاہ دست ءَ اِنت۔ سلاہ بندیں مرد چہ سرکارے ادارہ آنے با اثریں مردماں زانگ بیت پمیشکا دیمترا ھم آئی ءَ اے وڑیں ناشرکاری کرتگ، بلے اے پیم کہ با اثریں مردمے، آئی ءِ ناشرکاریانے ھلاپ ھچ پیمیں گامگیجے نہ بوتگ، اگاں بوتگ بلے سوبیں نہ بوتگ.
داں انگت سلاہ بندیں مردے سوب چہ شھرام ئے کُشگ ءَ زانگ نہ بوتگ.
Be the first to comment