رَسانک نیوز/ دوشمبے 17 شہریور ماہ 1404 ءَ، جیش الادل ءِ گل ءَ راسک ءِ پیشن دمگ ءَ تاریک 15 شہریور ماہ ءَ سپاہ ءِ پاسداران ءِ جھمنندیں کارمندے کُشگ ءِ زمہ واری ءَ منّتگ. جیش الادل ءَ جارتاک شنگ کرتگ ءُ اے کوش ءِ زمہ واری ءَ منّتگ ءُ گوشتگ: آیانی سوب چہ سپاہ ءِ اے کارمند ءِ کُشگ بلوچانے پادلپاش کنوکیں جنجال ءُ وبال ئے ھلاس کنگ بوتگ.
جیش الادل ءَ جارتاک ئے دیمترا گوشتگ: ایرج شمس چہ راسک ءِ سپاہ ءِ چیریں ادارے بُنبہر ءُ ڈلگیں کارندگاں بوتگ۔ انّیگیں سال آں آئی ءَ جیش الادل، انسارالپُرکان ءُ سرمچارانے ھلاپ کاروائیان ءَ بہر زرتگ ءُ سپاہ ءِ سلاہ بندیں دستہ ئے سروک ءُ کمانڈر بوتگ. آئی ماھکول، ردیگ دمگاں سپا ہ ئے کاروائی کنوکیں کیمپ آنے مستر ءُ کمانڈر، ھمیں وڑا پیشن ئے سئے راھی ءَ سپاہ ءِ چیک پوستے سمبہال اِتگ.
جیش الادل ءَ وتی شنگ کرتگیں جارتاک ءَ گوشتگ: پہ امنیتی ادارہ آں کار کنگ، زانتکار آن ءُ جُھد کارآنے پادلپاش کنگ، بلوچانے کُشگ ءُ آوار جنگ، سُنّی دینی زانتکار آنے سرا زور کنگ، اشرار ءُ ناشر آنے پہ بلوچستانے دمگاں نا آرامے گیش کنگ ءَ پنت ئے دیگ، لہتیں چہ ایرج شمس ءِ انسانیت ءِ ھلاپ کرتگیں کار آنے کچ زانتگ. ایرج شمس ءَ پہ آجویی ءَ جُھد کاریں بازیں بلوچے ھم کُشتگ.
اے گل ءَ گوشتگ: دیمترا ھم ایرج شمس ءَ پہ وتی ناشرکاریان ءُ امنیتی ادارہ آنے ھور بوھگ ءَ بیہار داتگ کہ پہ سرکار ءُ آئی ءِ امنیتی ادارہ آں کار مہ کنت، بلے آئی ءَ گپّ نہ اِشکوتگ ءُ گڑسرا ما وت آئی ءَ چہ بلوچانے راہ ئے سرا کِرّ کرتگ.
گوشگ لوٹیت: شمبے 15 شہریور ئے شپ ءَ، «ایرج شمس»، مھمد کریم ئے چُک، کہ راسک ءَ پیشن دمگ ءِ نندوکیں مردمے بوتگ سلاہ بندیں مردمان ءَ سینگارجاہ ءِ تہا آئی ءِ سرا تیرگواری کرتگ ءُ کُشتگ.
Be the first to comment