رَسانک نیوز/ چارشمبے روچ ءَ 5 شہریور ماہ 1404 ءَ، پہرہ ئے چاہجمال دمگ ءَ امنیتی ٹولی ءُ سلاہ بندیں مردمانے زوریں ٹکّر ئے ھند ءَ نندوکیں مردمے ءَ نزامی ٹولی ءَ بے سرکار ئے ھُکم ءُ درکانون ءَ آوار جتگ.
اے بلوچے پجّار «اھمد ھارونی»، مولادادئے چُک، آروس کرتگ ءُ زھگانے پت، کارگری ءَ گوں وتی دمگ ءَ آئی گونڈیں دکانے واھُند بوتگ ءُ پہرہ ءَ چاہجمال دمگ ئے نندوک زانگ بوتگ.
گوشگ لوٹیت: اھمد ھارونی ئے جاہ چہ اُرش کرتگیں لوگ ءَ دو گِس ئے دوری ءَ بوتگ ءُ امنیتی ٹولی ءَ ھماں وھدا کہ آئی وتی لوگ ءَ چہ دراَتکگ بے سرکارے ھکم ءُ در چہ کانون ءَ دزگیر کرتگ۔ اھمدئے ھمساہگ ءُ دمگے نندوکیں مردمان ءَ چمّ وت اے ویل دیستگ ءُ گواہ اَنت.
اھمد ھارونی ئے ھاندان ءُ لوگے مردمان ءَ پہ آئی ءِ ھالے سرپدئے نزامی ءُ امنیتی ادارہ آں تر ءُ تاب کرتگ، بلے ھچ امنیتی اداریے ءَ آئی ءِ آوار جنگ ءَ نہ منّتگ ءُ نہ آئی ءِ دارگ ءِ جاگہ زانگ بوتگ. اے گپّ ءُ ھالان ءَ آئی ءِ لوگے مردمانے دل پریشانے گیش کرتگ ءُ آیاں گمان کن اَنت امنیتی ٹولی لوٹیت پہ زورا اھمد ئے سرا الزام بہ بند اِیت کہ آئی اے ٹکّر ءَ سلاہ بندیں مردمان ءَ گوں ھور بوتگ.
Be the first to comment