جالک ءَ چہ تیرگواری ءَ بلوچے ٹپیگ بوتگ

رَسانک نیوز/ یکشمبے روچ ءَ 26 مرداد ماہ 1404 ءَ، جالک ءَ پہ زاتی جیڑہ ئے سرا تیرگواری ءَ بلوچے ءَ تیر وارتگ ءُ سکّ ءَ ٹپیگ بوتگ.

اے بلوچے پجّار «مھمدآلم ھبیب‌زھی»، 41 سالگ، ابدلکادر ئے چُک، آروس کرتگ ءُ زھگانی پت، بُندر ءَ جالک ءِ نندوکیں مردمے زانگ بوتگ.

اے ھالے رِد ءَ، مھمدآلم ءَ گوں وتی سیادے ءَ زاتی اَڑ ءُ جیڑہ اے بوتگ، ھمیں سوب ءَ آئی ءَ مھمدآلم ئے سرا تیرگواری کرتگ ءُ تیر آلمے دیم ءَ لگتگ ءُ سکّ ءَ ٹپیگ بوتگ. آلم پہ درمان ءَ نادراہجاہ ءَ سر کنگ بوتگ، بلے آئی ءِ ھال ھراب اِنت.