راسک ءَ دو ورنائیں بلوچے ٹیلکش چہ گاڑی ئے لیٹ ورگ ءَ کُشگ ءُ ٹپیگ بوتگ

رَسانک نیوز/ چارشمبے روچ ءَ 22 مرداد ماہ 1404 ءَ، راسک ءَ پیرکور ءُ پشامگ ءِ میان راہ ءَ دو بلوچے ٹیلکش گاڑی ئے لیٹ ورگ ءَ کُشگ ءُ ٹپیگ بوتگ۔ الکاپیں راہ ءِ نہ بوھگ، موبایلانے آنتن نہ دیگ، کمک سرکنوکیں سہولیات ئے نہ بوھگے سوب ءَ آیان ءَ وھدے سرا کمک سر نہ بوتگ.

کُشگ بوتگیں بلوچے ورنائے پجّار «بلال بلوچکاری (دھانی)»، 17 سالگ، کدھُدا بیگ مھمد ءِ چُک، ٹپیگ بوتگیں بلوچے ورنائے پجّار «بنیامین دھانی»، 17 سالگ، اشرپ ءِ چُک، دوئیں نوک آباد دمگ ءِ نندوک زانگ بوتگ.

گوشگ لوٹیت: اے ویل ءَ پد، موبایلانے آنتن نہ دیگ ءَ، لوگ ءُ دمگے مردمان ءَ نہ توانتگ وھدے سرا ھالے بگر اَنت۔ بلال بلوچکاری ءَ ماں سرا ٹپ وارتگ ءُ ٹپّانے باز بوھگ ءَ آئی ءَ جاہ ءَ ساہ داتگ۔ بنیامین دھانی گوں ھرابیں ھالتے ءَ پہرہ ئے ھاتم الانبیاء ئے نادراہجاہ ءَ سر کنگ بوتگ.