رَسانک نیوز/ شمبے 18 مرداد ماہ 1404 ءَ، مولوی ابدلباست سجستانی، مولوی ابدلھمید اسمائیل زھی، اللہنزر شہبکش ءُ لہتیں چہ بلوچے کماش ءُ سروکیں مردمانے مدامے جُھد ءُ کوشست ءَ، مولوی آتااللہ سارانی کہ زانتگیں مردمان ءَ آوار جتگ، پد چہ ھپت ماہ ءَ آجو ءُ مولوی ابدلباست سجستانی ئے دست ءَ دیگ بوتگ.
اے ھپتیں ماہ آں کہ مولوی آتااللہ سارانی آوار جنوکیں مردمانے بندیگ بوتگ، مولوی ابدلباست گوں بلوچستانے سروک ءُ مستریں مردمان ءَ پہ مولوی آتااللہ ئے آجو کنگ ءَ ۳۰ گیش دیوان ءُ جلسہ گپتگ. اے دیوان آنے سوب دوئیں دیمے مردماں پہ رازی نامہ ءَ منّینگ بوتگ، گڑ سرا زی مولوی آتااللہ سارانی پد چہ ھپت ماہ بندیگ بوھگ ءَ وتی لوگ ءُ سماج ءَ واتر بوتگ.
ھالانے رِد ءَ، مولوی آتااللہ پہ مالے جنجالے ءَ ھپت ماہ زانتگیں مردمانے (آوار جنوکیں مردمانے) بندیگ بوتگ. اے مدت ءَ کہ آئی ءَ آوار جنوکیں مردمان ءَ بندیگ کرتگ، امنیتی ادارہ آن ءَ پہ آئی ءِ آجو کنگ ءَ ھچ پیمیں جھد ءُ کوشستے نہ کرتگ.
Be the first to comment