چھبار ءَ بلوچے کہ امنیتی ٹولی ءَ آوار جتگ، بیست ءُ پنچ روچ ءَ پد انگت ءَ لوگے مردمان ءَ ھال سرپدئے دست نہ کپتگ

رَسانک نیوز/ چارشمبے 18 تیر ماہ 1404 ءِ بیگاہ ءَ، چھبار ءَ بلوچے کہ سپاہ ئے چیریں ادارے سادہ پوشیں ٹولی ءَ آوار جتگ پد چہ بیست ءُ پنچ روچ ءَ انگت ءَ لوگے مردمان ءَ آئی ءِ ھالے سرپدئے دست نہ کپتگ.

اے بلوچے پجّار «پیربکش گاجی‌زھی»، 27 سالگ، بِنگہ ئے چُک، زرآباد ئے اسمائیلے چات ئے نندوکیں مردمے زانگ بوتگ.

رَسانک ءِ ھال سرکنوکان ءَ گوشتگ: پیربکش دزگیر بوھگ ءَ پد داں دہ روچ ءَ چھبار ءِ سپاہ ئے چیریں ادارے ءَ دارگ بوتگ ءُ ایشی ءَ پد پہ دُزاپ ءَ شور دیگ بوتگ. آئی ءِ دزگیر بوھگ ءَ بیست ءُ پنچ روچ گوستگ، بلے داں انگت ءَ آئی ءِ ھالے سرپدئے نیست اِنت. پیربکش ئے برات کہ آئی ءِ ھالے سرپدئے ئے دُزاپ ءَ شُتگ، داں اے وھدا ھچ ھالے آئی ءِ دست ءَ نہ کپتگ.

دزگیر بوھگ ءَ پد، آئی ءَ وکیل ئے دارگ ءِ ھکّ دیگ نہ بوتگ ءُ نہ آئی ءَ گوں لوگے مردماں ھبرے موه دیگ بوتگ، اے گپّ ءَ لوگے مردم گیشتر دل پریشاں کرتگ.