رَسانک نیوز/ 7 مرداد ماہ 1404 ءَ، کلاّنی ئے ھور ءَ پسابندرئے زرے سیمسراں چاروگیں نزامی ٹولی ءِ گُلپ ئے تیز روکیں کایک ءَ بلوچے ٹیلکشے ءَ چئیر گِرگ ءَ گوں سکّ ءَ ٹپیگ کرتگ. آئی ءِ دوئیں پاد سکّ ءَ ٹپیگ بوتگ اَنت ءُ پہ درمان ءَ، نادراہجاہ ءَ سر کنگ بوتگ.
ٹپیگ بوتگیں بلوچے پجّار «جلال دھکانی»، 21 سالگ، چارشمبے چُک، دشتیاری ئے نگور دمگ ءِ نندوک زانگ بوتگ.
اے ھالے رِد ءَ، زرے سیمسراں چاروگیں نزامی ٹولی ءِ تیز روکیں گُلپ ئے کایک ءَ بے پیسرگیں جار ءُ توار ءَ جلالے کایک چئیر کرتگ ءُ آئی ءِ دوئیں پاد ماں گُلپ ئے کایک ءِ پَرّگ ءَ لگ اَنت ءُ سکّ ءَ ٹپیگ بیت۔ ڈاکٹر آن ءَ گوشتگ: جلالے دوئیں پاد باید اِنت کہ کہت بہ بنت.
Be the first to comment