چھبار ءِ، نوک‌آباد دمگ ءَ امنیتی باسک ءِ سلاہ بندیں مردمانی گوں ٹکّر ءُ تیرگواری ءَ، دوئیں دیما لہتیں کُشگ ءُ ٹپیگ بوتگ

رَسانک نیوز/ سئےشمبے روچ 17 تیر ماہ 1404 ءَ، چهبار ءِ نوک‌آباد دمگ ءَ امنیتی باسک ءُ سلاہ بندیں مردمانی ٹکّر ءُ تیرگواری ءَ لہتیں چہ امنیتی باسک ءِ کارمندان ءُ لہتیں چہ سلاہ بندیں مردماں کُشگ ءُ ٹپیگ بوتگ اَنت.

گوشگ لوٹیت: امنیتی باسک ءِ کارمنداں گوں زاتی پژو 405 گاڑی ءُ زاتی گُداں، یک پژو گاڑئے پدا کپتگ اَنت، نوک‌آباد دمگ ءَ پژو گاڑئے نندوکاں گوں امنیتی باسک ءِ کارمندان ءَ ٹکّر زورتگ ءُ دوئیں دیمان ءَ تیرگواری کرتگ، گڑ سرا امنیتی باسک ءَ گوں آر پی جی ءَ پژو گاڑی جتگ.

گوشگ لوٹیت: اے ٹکّر ءَ لہتیں چہ امنیتی باسک ءِ کارمنداں کُشگ ءُ ٹپیگ بوتگ اَنت، ھمیں پیم ءَ پژو گاڑئے دوئیں نندوک کُشگ بوتگ اَنت ءُ آیانی آں دگہ ھمراہ کہ گوں امنیتی باسک ءَ ٹکّرے زورتگ، پد چہ تیرے ورگ ءَ آں ھم کُشگ بوتگ.

سپاہ ئے ایردستیں مڈیا ئے اھبار ءَ گوشتگ کہ چھبار ءَ 6 تروریست ءُ دھشت گرد کُشگ ءُ دزگیر کنگ بوتگ اَنت، اے مڈیا ءَ دگہ سرجمیں ھالے شنگ نہ کرتگ.