رسانک نیوز/ مروچی دوشمبے 16 تیر 1404، بلوچی زبان ءِ وانینگ ءِ جُنز ءِ نوکیں گامگیج ماں دینی وانگجاھاں سر بوتگ، اے درگت ءَ چھبار بلوچی لبزانکی گل ءِ کارگشاد واجہ «میرجان میر» ءَ کہ چار روچی سپرے ءَ پہ کیشکور ءِ آبریچ ءَ ءُ کمبیگ دپ ءِ مردمانی لوٹ ءِ پد ءَ پہ نودربرانی وانینگ ءَ شتگ کہ ماں تامربند ءِ تہ ءَ وتی لیکہ ءَ پہ زبان ءِ شنگ کنگ ءَ چو درشان کنگ اِنت “مارا پہ زبان ءِ دیم ءَ برگ ءَ وانگجاہ نیست اگاں دینی مکتب ءُ ملا کہ مئے سروک انت گوں ما ھمکوپگی بہ کن اَنت وانینگ ءِ کار ارزان تر بیت ءُ دگہ زبانانی تہ ءَ شرتر سوھو ءُ زانتکار بئیں”.
کمبیگ دپ کیشکور ءُ آھُران ءِ میانجی ءَ اِنت کہ اود ءِ دینی مکتب شست ءَ گیش بچک ءُ جنک وانگ انت ءُ میتگ ءِ کودا ءُ کماشاں پہ کلاس ءِ دیم ءَ برگ ءَ کوپگ داتگ ءُ وتی نیکیں واھگ اش درشانتگ. سگار ءِ دینی وانگجاہ ءِ واھگ اِنت کہ بلوچی زبان دیم ءَ روان بہ بیت.
Be the first to comment