رَسانک نیوز/ پنچشمبے 5 تیر ماہ 1404 ءِ سُہب ءَ، واش ءَ امنیتی باسک ءُ چیریں ادارے کارمندان ءَ پہ سوشل مڈیائے چِست ءُ ائیرانے الزام ءَ بلوچے ئے دکان ءِ سرا اُرش ءَ پد، آئی ءَ آوارش جتگ.
اے بلوچے پجّار «مھمدرزا ھبیبی نسب (ملازھی)»، 28 سالگ، ھُدارھم ءِ چُک ءُ واش ءِ نندوک زانگ بوتگ.
گوشگ لوٹیت: دیمترا، چیریں ادارہ ءَ چُنت بار، آئی ءَ پہ جُست ءُ پرس ءَ لوٹتگ۔ آئی ءِ گناہ ءُ کسور سوشل مڈیا ءَ دُزاپ ءُ واش ءِ ھونئیں جمے بابت ءَ اَکس ءُ ویڈیو شنگ کنگ زانگ بوتگ. چیریں ادارہ ءَ چہ اے بلوچیں ورنا ءَ ھمکاری ءِ لوٹ کرتگ، بلے اے بلوچ ءَ آیانی لوٹ نہ منّتگ. گڑ سرا چیریں ادارہ ءَ مھمدرزا ئے پساری دکان ءِ سرا اُرش کرتگ ءُ آئی ءَ آوار جنگ ءَ پد، چیریں جاگہے برتگ.
Be the first to comment