مگس ءَ، بے پجّاریں مردمان ءَ بلوچے آوار جتگ

رَسانک نیوز/ پنچشمبے 5 تیر ماہ 1404 ءِ بیگاہ ءَ، مگس ءِ بازار ءَ پژو گاڑئے بے پجّاریں نندوکان ءَ بلوچے ءَ لٹ ءُ شاپ ءَ پد، آوار جتگ کہ داں انگت ءَ آئی ءِ ھال سر پدئے نیست اِنت.

آوار جتگیں بلوچے پجّار «ادھم آزادی» 32 سالگ، شی‌مھمد ءِ چُک، بُندر ءَ پہرہ ءِ مردم ءُ انیگیں وھداں مگس ءِ جھمنند زانگ بوتگ.

گوشگ لوٹیت: پنچشمبے بیگاہ ءَ، پژو گاڑئے بے پجّاریں نندوکان ءَ اے بلوچ، پہ زور ءُ ھژم ءِ سرا آوار جتگ ءُ بیگواہ کرتگ، کہ داں انگت ءَ آئی ءِ ھال سرپدئے دست نہ کپتگ.