رَسانک نیوز/ پنچشمبے 29 ھُرداد ماه 1404 ءَ، بلوچے کہ 25 ھُرداد 1404 ءَ چہ میرجاوه ءَ پہ وتی زاتی کارانی ٹھینگ ءَ دُزاپ ءَ آتکگ، امنیتی باسک ءِ ٹولی ءَ آئی ءَ چہ دُزاپ ءِ شهر ءَ آوار جتگ ءُ بیگواه کرتگ.
اے بلوچے پجّار «ناسر ریگی»، ابداللہ ءِ چُک ءُ بُندر ءَ میرجاوه ءِ نندوک زانگ بوتگ.
ناسر ءِ لوگ ءِ مردمان ءَ گوشتگ، آئی ءِ بیگواه بوھگ ءِ پد، آیان ءَ پہ ناسر ءِ ھال سرپدئے ءُ آئی ءِ بندیگجاہ ءِ زانتکاری ءِ جُھد کُرتگ، بلے سوبیں نہ بوتگ اَنت، ھچ سرکاری ادارے آیان ءِ پَسّو الکاپی ءَ نہ داتگ.
داں اے ساھت ءَ، اے بلوچے دزگیری ءُ بیگواہ کنگ ءِ سوب زانگ نہ بوتگ.
بلوچانی بیگواہ کنگ ءُ زمہ وارانی مان مہ آرگ، آیانی لوگ ءِ مردمان ءَ دلجمی ھال ءِ نہ دیگ، امنیتی باسکانی در چه کانون ءُ وت سر بوھگ ءَ شرّی ءِ سرا پدَّر کنت ءُ پیش داریت.
Be the first to comment