رَسانک نیوز/ 19 ھُرداد ماه 1404 ءِ بیگاه ءَ، شستون ءِ آسپیچ مھمدی دمگ ءَ سواری گاڑئے بے پجّاریں نندوکان ءَ تبلیگی مرکزے نزّیک ءَ بلوچے آوار جتگ کہ داں اے ساھت ءَ آئی ءِ ھال سرپدئے نیست اِنت.
آوار جتگیں بلوچے پجّار «ایرج نکیبی»، 30 سالگ، شھداد ءِ چُک، شستون ءَ کوھک دمگ ءِ نندوک زانگ بوتگ.
اے ھال ءِ رِد ءَ، ساھت ءِ 18 ءَ، ایرج ءِ گاڑی ئے دیم آسپیچ ءِ دمگ ءَ دارگ بوتگ ءُ سواری گاڑئے بے پجّاریں نندوکان ءَ آئی آوار جتگ ءُ بیگواه کرتگ، داں اے ساھت ءَ آئی ءِ ھال ءِ سرپدئے نیست اِنت.
داں اے وهد ءَ آوار جنوکانے پجّار ءُ آیانی سوب چہ ایرج ءِ آوار جنگ ءَ زانگ نہ بوتگ.
Be the first to comment