پهرها دو نزامی نیرو گۆن سلاهبندێن مردمانی تیرگواریان کُشگ و ٹپّیگ کنگ بوتگ‌اَنت

رَسانک نیوز

جُمَهئے شپا ۱۷ اسپند ۱۴۰۳، گۆن سلاهبندێن مردمانی تیرگواریان بلوار مهلما پهرهئے اداره آگاهیئے نیروانی نێمگا، که یک کسے گۆن تیرئے لگّگا بێران بوتگ و دگه یکّے ٹپّیگ بوپتگ.

کُشگ بوتگێن نیروئے پجّار ستوان دوم (رزا درینی) چه پهرهئے اداره آگاهیئے نیروان گوشگ بوتگ.

گێشێن هالانی رِدا، اے نیرو گۆن نزامی ماشینا رئوگا بوتگ‌اَنت سلاهبندێن مردمان که موتورا سئوار بوتگ‌اَنت بلوار مهلمئے نزّیکا آیانی نێمگا تیرگواری کُرتگ و چه اۆدا تتکگ و شتگ‌اَنت.

اے تیرگواریا یکّے چه نزامی نیروان بازێن ٹپّانی سئوبا کُشگ بوتگ و دگه یکّے ٹپّیگ بوتگ و نادراهجاها برگ بوتگ.

چه جنۆکان جنگئے سئوبا و آیانی پَجّارا تنیگت هالے نێست و تنیگت هچ جُنز و مردمیا اے اُرُش اُگده وتی گردنا نگپتگ.