سلاهبندێن مردمان یک سئواری ماشینیئے نێمگا تیرگواری کُرتگ و ماشینئے مردمش آوار جتگ

رَسانک نیوز

جُمَهئے رۆچا ۱۲ بهمن ۱۴۰۳، سلاهبندێن مردمان پهرها پلکه مادرا، یک سئواریئے مردمانی سرا تیرانی آماچ کُرتگ که اشیئے سرا کسے ٹپّیگ نبوتگ بله راننده و آییئے چُکّ و جَن سلاهبندێن مردمانی دستا آوار جنَگ بوتگ‌اَنت.

اے آوار جنَگ بوتگێن مردمئے پجّار (مبین سنجرزهی)، ۲۲ سالگ، مجیدئے چُکّ، چاه جمالئے مردم چا پهرهئے دمگان گوَشگ بوتگ.

گێشێن هالانی رِدا، کساس ساهت یازده و نێما، سلاهبندێن مردمان که یک سئواری ماشینا بوتگ‌اَنت یک جهمنندیئے نێمگا راستێن تیرگواری کُرتگ که پد چه اۆشتارێنگا، سلاهبندێن مردمان راننده آوار جتگ و برتگ‌.

تنیگت چه جنۆکانی جنَگئے سئوبا و آیانی پجّارا هچ هالے نێست.

ائولی هالئے تها گوَشگ بوتگ که اے تیرگواریئے تها دو مردم ٹپّیگ بوتگ بله اے گپّ اسلاه بیت.