نێکشهرا دو بلۆچ جهمنند سلاهبندێن مردمانی دستا کُشگ بوتگ‌اَنت

رَسانک نیوز

جُمَهئے رۆچا ۵ بهمن ۱۴۰۳، دو بلۆچ جهمنند گۆن سلاهبندێن مردمانی دُمبال دئیگا کشیگئے راه آهنا نێکشهرا که چه اۆدا دُزّیا بوتگ‌اَنت تیرانی آماچ بوتگ و وتی ساهِش چه دستا داتگ.

اے دوێن بلۆچ جهمنندانی پجّار (مهمود بلۆچی)، ۲۰ سالگ، دۆست مهمدئے چُکّ و (همزه بلۆچی)، ۲۵ سالگ، مرادهانئے چُکّ هر دوێن کشیگئے مردم چه نێکشهرئے مردمان گوشگ بوتگ‌اَنت.

گوَشگی اِنت که سُهبئے سرا، کساس ساهت پنچا، گروهے چه سلاهبندێن دُزّان، چه کشیگئے راه آهنئے شرکتا دُزّیش کُرتگ و شرکتئے نگهبانا وتی سیادانی سرا زنگ جتگ و کمّکی لۆٹتگ. اے دوێن مردم دُزّانی دُمبال دئیگا گۆن بوتگ دُزّانی یک ماشینے چه سرگرانی هلکا دێمش گپتگ. بله سلاهبندێن دُزّان گۆن وتی تیرگواریا دوێن مردمش کُشتگ و پد چه تیرگواریا اے دُزّ چه اۆدا تتکگ‌اَنت و آ دگه ماشین که اۆدا بوتگ سُهبئے سرا انتزامی نیروانی دستا دئیگ بوتگ‌اَنت.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.