مشهدا یک بلۆچ جهمنندیئے لاش که کُشگ و گار بوتگ درگێجگ بوتگ

رَسانک نیوز

پنچشمبهئے شپا ۲۷ دئے ۱۴۰۳، یک بلۆچ جهمنندیئے لاش که اپت رۆچ پێش چه کارئے سرا گار بوتگ پد چه کشۆکئے دزگیر کنگ و آییئل منّێنگا، گرجیئے هلکا مشهدا کَل کُرتگ بوتگ، درگێجگ بوتگ.

اے بلۆچ جهمنندئے پجّار (پرزاد ساسولی)، ۲۸ سالگ، اِیسائے چُکّ و زابلئے مردم و مشهدئے نندۆک گوَشگ بوتگ.

گێشێن هالانی رِدا، کساس شپئی ساهت یازدها، پد چه کشۆکئے منّگا پد، کساس گرجیئے هلکئے هشت کیلومتریا مشهدئے دمگان لاش درگێجگ بوتگ که دیستگێن چیزّ پێش دارنت، آیی پد چه جنَگ و چۆپگا گۆن سکّیئے گۆما کُشگ بوتگ.

اے بلۆچ جهمنندئے لاش اداره آگاهیئے نیروانی دستا پزشکی کانونیا برگ و پزشکی کانونیئے سارتێن لۆگا دارگ و تان جُمَهئے رۆچل ۲۸ دئے آییئے لۆگئے مردمان دئیگ بوتگ.

گوشگ ببیت که اے بلۆچ جهمنند دئیئے ۲۰ می رۆچا چه وتی کارئے جاها مشهدا در بوتگ و چه آییا پد آییئے لۆگئے مردم آییئے دُمبا بوتگ و گوشگ بیت که کشۆکا اے جێڑه مالی جێڑهی گۆن آییا گوَشتگ.