میرجاوها، روتکئے سیمسرا یک بلۆچ ٹێلکشّے گۆن انتزامی نیروانی تیرگواریان ٹپّیگ بوتگ

رَسانک نیوز

سئے شَمبِهئے رۆچا ۲۵ دئے ۱۴۰۳، انتزامی نیروان روتکئے هلکا میرجاوهئے شهرا بێد چه پێسری اۆشتا ێنگ و هشدار دئیگا بازێن ٹێلکشّێن ماشینیئے نێمگا که بے بار بوتگ‌اَنت تیرگواری کُرتگ که یکّے چه ماشینانی رانندهان گۆن تیرئل لگّگا ٹپّیگ بوتگ.

ماشینئے رانندهئے پجّار (اپشین گمشادزهی)، کساس ۱۸ سالگ، مهمد رمزانئے چُکّ و واشئے نندۆک گوَشگ بوتگ.

گێشێن هالانی رِدا، کساس پد چه زُهرا، روتکئے هلکا انتزامیئے نیروان بێد چا پێسری اۆشتارێنگ و هشدار دئیگا چُنت ٹێلکشێن ماشینئے نێمگا راستێن تیرگواری کمرتگ که یکّے چا ماشینانی رانندهان گۆن تیرئے ورگا چه سرێن و پُپئے نێمگا ٹپّیگ بوتگ و اے دگه ماشینان هم تیر وارتگ.

گێشێن هالانی رِدا که چه ائولئے ۲۰۲۳ئے سالا جم کنک بوتگ‌اَنت، کم چه کم ۳۲۱ کس چه ٹێلکشّێن بلۆچان گۆن وڑ وڑێن وئیلان، کُشگ و ٹپّیگ کنگ بوتگ‌اَنت که نزامی نیروانی راستێن تیرگواریانی تها ۲۸ ٹێلکشّا وتی ساه چه دستا داتگ و ۱۷ کس ٹپّیگ بوتگ. جادهی وئیلانی تها هم ۱۹۴ کس ٹپّیگ بوتگ. نامالومێن مردمانی تیرگواریان هم ۸ کسا وتی ساه چه دستا داتگ و ۲ کس ٹپّیگ بوتگ. دگه وئیلانی تها چۆ هار، آس سۆچی ٹێلئے ڈیپوئے تها و یک دگه نامالومێن مئوردے تها هم کم چه کم ۱۴ کس ٹپّیگ و بێران بوتگ.