رَسانک نیوز
دوشمبهئے رۆچا ۱۰ دئے ۱۴۰۳، کم چه کم یک بلۆچ بندیگیئے اێدامئے هُکم که شَمبِهئے رۆچا ۸ دئے اسپهانئے بندیگئے اُگدهدارانی دستا په اێدامئے هُکمئے اجرا کنگئے واستا اێوکێن جاها برگ بوتگ، اجرا کنگ بوتگ.
هال وشا، این بندیگئے پجّار (کوروس نارویی)، ماروپ په کوروش، ۴۷ سالگ، شهبێک هانئے چُکّ، سور کُرتگێن، سئے چُکّئے پت، نُسرت آبادئے هلکئے مردم چه دُزآپئے دمگان گوَشگ بوتگ.
گێشێن هالانی رِدا، کوروس کساس شش سالا پێسر نایین ایستئے سرا نزامی نیروانی دستا آوار جنَگ و شَمبِهئے رۆچا ۸ دئے چه آمێن بندیگا په اێدامئے هُکمئے اجرا کنگئے واستا اێوکێن بندیگا برگ بوتگ.
گوشگی اِنت که یکشَمبِهئے رۆچا کوروسئے هلکئے مردمان وتی آهری گِندگ و نند گۆن کوروسا کُرتگ.
گوشگ ببیت که ۲۰۲۳ ئے سالا کم چه کم ۱۸۴ بندیگیێن بلۆچ گۆن وڑ وڑێن جُرمان اێرانئے ۲۶ دگه دگه جاهێن شهران که دُزآپ گۆن ۵۴ کس و بیرجند گۆن ۳۱ کس گێشترێن ابێد انسانی هُکما اێدامئے هُکما مهکوم کنگ و اێدام کنگ بوتگاَنت که اِشانی تها کساس چار جنێن هم هست.
اولین نفری باشید که دیدگاه مینویسد