دُزاپا مرکزی بندیگا یک جهمنندیئے اێدامئے هُکم اجرا کنگ بوتگ

رَسانک نیوز

شَمبِهئے رۆچا ۱ دی ۱۴۰۳، یک بلۆچ جهمنندیئے اێدامئے هُکم که آزرئے ۲۹می رۆچا اێوکاێن بندیگا برگ بوتگ، بندیگئے اُگدهدارانی دستا اجرا کنگ بوتگ.

اے بلۆچ جهمنندئے پجّار (سُلتان جهانتیگ)، گلامرزائے چُکّ، دو جَن و شش چُکّئے واهُند  و سنجرانیئے هلکئے مردم چه هیرمندئے دمگان گوَشگ بوتگ.

گێشێن هالانی رِدا، سُلتان ۱۳۹۸ئے سالا گۆن وتی برات (ناسر جهانتیگ) و زاماتا (هسئین زری)، گۆن کَتلئے جُرما نیروانی دستا آوار جنَگ و هر سئیئن مردم زابلئے آمیدگسا اێدامئے واستا مهکوم کنگ بوتگ‌اَنت.

سُلتان کساس دو سالا پێسر چا زابلئے بندیگا دُزآپئے مرکزی بندیگا برگ بتگ و پمچشمبهئے رۆچا ۲۹ آزر په اێدامئے هُکمئے اجرا کنگئے واستا اێوکێن بندیگا برگ بوتگ.

گوشگ ببیت که ۲۰۲۳ ئے سالا کم چه کم ۱۸۴ بندیگیێن بلۆچ گۆن وڑ وڑێن جُرمان اێرانئے ۲۶ دگه دگه جاهێن شهران که دُزآپ گۆن ۵۴ کس و بیرجند گۆن ۳۱ کس گێشترێن ابێد انسانی هُکما اێدامئے هُکما مهکوم کنگ و اێدام کنگ بوتگ‌اَنت که اِشانی تها کساس چار جنێن هم هست.