رَسانْک نیوز
پنچشمبهئے رۆچا ۳ آبان ۱۴۰۳، راسکئے اداره اتلاهاتئے نیروان نزرآبادئے هلکا چه راسکئے دمگان یک ٹێل بها کنۆکێن جهمنندے گۆن جَن و چۆپئے گۆما بێد چه آمیدگسی هُکما آوار جتگ و نامالومێن جاهے بُرتگش.
اے بلۆچ جهمنندئے پجّار (مهمد دشتی)، ۲۷ سالگ، اشرپئے چُکّ و بێدلدئے هلکئے مردم چه راسکئے دمگان گوَشگ بوتگ.
گێشێن هالانی رِدا، پنچشَمبِهئے اَسُرا اداره اتلاهاتئے نیروان راسکئے شهرا نزرآبادئے هلکا گۆن چُنت زاتی ماشینا اُرش بُرتگ و مهمدِش که وتی کارئے سرا ٹێل بها کنگئے کارا بوتگ گۆن جنَگ و چۆپگ بێد چه آمیدگسی هُکما آوار جتگ و نامالومێن جاهے بُرتگش.
چه اے جهمنندئے جُرما تنیگت هچ هالے نێست.
اولین نفری باشید که دیدگاه مینویسد