رَسانک نیوز
شَمبِهئے رۆچا ۲۸ مهر ۱۴۰۳، نزامی نیروان گۆن چُنت نزامی و زاتی ماشین کلاهدوزئے هلکا بمپورئے دمگان بێد چه آمیدگسی هُکما یک لۆگیئے سرا اُرش بُرتگ و یک بلۆچ جهمنندے که نزامی نیروانی کاران زهرشانی کُرتگ آوار جتگ و نامالومێن جاهے بُرتگش.
اے آوار جتگێن جهمنندئے پجّار (اسماێل سلاه زهی)، ۳۳ سالگ، مچکئورئے هلکئے مردم چه سربازئے دمگان و بمپورئے نندۆک گوَشگ بوتگ.
گێشێن هالانی رِدا، نزامی نیرو گۆن چُنت نزامی ماشین و زاتی پلاکێن ماشین اسماێل که ٹێلکشّی کارا اِنت اُرش بُرتگ و گۆن زاه و بد گوَشگ و بێد آمیدگسی هُکما اُرش برتگ و آییئے لۆگا پُترتگاَنت و اِشانی اے کار چُکّ و جنێنانے که اۆدا بوتگاَنت آیانی تُرسئے سئوب بوتگ.
چه نزامی نیروان اُرش برگئے سئوبا مان اے بلۆچ جهمنندئے لۆگا تنیگت هچ هالے نێست.
اولین نفری باشید که دیدگاه مینویسد