رَسانک نیوز
سئے شَمبِهئے رۆچا ۲۴ مهر ۱۴۰۳، یک بلۆچ جهمنندے گۆن سلاهبندێن مردمانی تیرگواریان که یک سئواری ماشینیئے نندۆک بوتگ‌اَنت پهره و ابترئے راها کساس راه آهنئے پُهلا، تیرانی آماچ بوتگ و وتی ساهی چه دستا داتگ.
اے بلۆچ جهمنندئے پجّار (یاسر واشی[جمالزهی])، ۲۸ سالگ، کاسمئے چُکّ و اسپه شهرکئے نندۆک چه اێرندگانی دمگان واشئے شهرا گوَشگ بوتگ.
گوَشگ بیت که یاسر راه آهنئے شرکتئے نندۆک بوتگ و تیرا آییئے دلا لگّتگ و وتی ساهی چه دستا داتگ. چه جنۆکانی جنَگئے سئوبا و آیانی پَجّارا تنیگتا هالے نێست.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.
Be the first to comment