رَسانک نیوز
چارشمبهئے رۆچا ۱۸ مهر ۱۴۰۳، یک لندکروز ماشین و یک پژو پارسێن ماشینے کساس کنرک و چهبار و نێکشهرئے سئے راهی سرا ڈیکّر وارتگ و دو بلۆچ جهمنند بێران بوتگ و دو مردم ٹپّیگ بوتگ و چهبارا امام اَلیئے نادراهجاها برگ بوتگ‌اَنت.
دوێن بێران بوتگێن جهمنندانی پجّار (اَبود هۆت) و (مهمداَلی رهمی) چاهانئے هلکئے مردم چه نێکشهرئے دمگان گوَشگ بوتگ و چه دوێن ٹپّیگ بوتگێن مردمانی پَجّارا تان انّون هچ هالے نێست.
گێشێن هالانی رِدا، اے جهمنندان چارشمبهئے رۆچا پد چه چُنت سالا که گترئے سرڈگارا کارا بوتگ‌اَنت په وتی لۆگئے مردمانی گِندگا بلۆچستانا آتکگ‌اَنت پد چه اِشیا که چه بالی پٹّا در بوتگ‌اَنت که راهئے تها آیانی ماشین گۆن لندکروزیا تسادپ کُرتگ و بێران بوتگ‌اَنت.
Be the first to comment