کهیرئے شهرا هُمئینیئے وانگجاها کلاس دئوازدهانی کتاب دئیگ نبوتگ‌اَنت

رَسانک نیوز

سئے شَمبِهئے رۆچا ۳ مهر ۱۴۰۳، هُمئینیئے وانگجاهئے اُگدهداران چه آ کسانے که چه هُرداد ماهئے اِمتهانان پَشت کپتگ و کبول نبوتگ‌اَنت کتابش نداتگ‌اَنت و نۆدربر انگت بے کتاب اَنت.

گێشێن هالانی رِدا، ۱۱ مردم چه کتابئے گِرگا زِبهر بوتگ و چُش اِنت که کُنرکئے اے دگه وانگجاهان دئوازدهانی کتاب انگت گێش آتکگ‌اَنت.

گوَشگی اِنت گۆن نۆکێن سالئے بِندات بئیگا بازێنے چه بلۆچستانئے وانگجاهان چه آموزشی جاه و امکاناتان زِبهر اَنت و لهتێن چه شهران کتابئے گرگئے واستا چه نۆدربران زرّ لۆٹگ بوتگ.