رَسانک نیوز

گوستگێن شپا ۲۶ شهریور ۱۴۰۳، سلاهبندێن مردمان پد چه اِشیا که چه یک بلۆچ جهمنندیئے آوار جنگا نا اُمێت بوتگ‌اَنت، آییئے نێمگا تیرگواری کُرتگ پد چه اِشیا که ٹپّیگ بوتگ نادراهجاهئے راها وتی ساهی چه دستا داتگ.

اے بلۆچ جهمنندئے پجّار (کامبیز کرد شهسوارزهی)، کساس ۳۶ سالگ، بهروزئے چُکّ و واشئے نندۆک گوَشگ بوتگ.

گێشێن هالانی رِدا، سلاهبندێن مردمان لۆٹتگ که کامبیزا په زۆر ماشینا سئوار بکننت که آییا دێمگیری کُرتگ و سلاهبند نا اُمێت بوتگ و آییئے نێمگا تیرگواری کُرتگ که هلکی مردمانی دستا نادراهجاها برگ بوتگ که راها وتی ساهی چه دستا داتگ.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.