سئے شمبهئے رۆچا ۲۰ شهریور ۱۴۰۳، بلۆچ جهمنندے سلاهبندێن مردمانی گۆن وتاسا یک وت‌مان‌وتێن جێڑهێا یکے چه دُزآپئے هئیابانان تیر وارتگ و همۆدا ساهی داتگ.
اے جهمنندێن بلۆچئے پجّار (مهسن کبدانی)، کساس ۲۳ سالگ و دُزآپئے نندۆک گوَشگ بوتگ.
همے هالانی رِدا، یک سلاهبندێن مردمے که کُلت گمری گۆن بوتگ گۆن مُهسنا دُزآپئے بازار مشترکا یک زاتی درگیرے بوتگی و آییئے نێمگا تیرگواری کُرتگ که مهسن چه لاپئے نێمگا تیری وارتگ و وتی ساهی چه دستا داتگ.
گوَشگ بیت مهسن و جنۆکێن مرد کساس پنچ سال پێش وت مان وتا درگیر بوتگ‌اَنت که پد چه پنچ سال جێڑها، جنۆکا گۆن کلتئے سلاهئے گۆما تیرانی آماچ کُرتگ.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.
Be the first to comment