رَسانک نیوز

دوشمبهئے رۆچا ۱۹ شهریور ۱۴۰۳، باهۆکلاتئے پاسگاه سیمسری هنگ گۆن لهتێن چه ٹێلکشان جێڑه کنت، گڑا نزامی نیروانی و ٹێلکشّانی نیاما درگیری پێش کئیت، نزامی نیروانی سپاهیگ ٹێلکشانی نێمگا تیرگواری کننت لهتێنا سئوب تیرگواریا نُکس و تاوان رستگ.

گوشگی اِنت که کساس ساهت یکّ و نێما، باهوکلاتئے نزامی نیروان و رێمدانئے هنگ مرزیئے نیروان باهۆئے هۆر کوت کئورئے هلکا لۆٹتگّش چُنت ماشین به‌اۆشتارێننت که زهرشانیئے سئوب بوتگ که نزامی نیرو گۆن ٹێلکشێن مردمان درگیر ببنت کا آهرا نزامی نیروان ماشینانی ٹئیر و آسنئے نێمگا راستێن تیرگواری کُرتگ و جاهِش وئیل کُرتگ و شتگ‌اَنت.

ٹێلکشی چه هما کاران هساب بیت که بازێنے چه بلۆچ جهمنندان چه بلۆچستانئے جاه جاهان، مناسبێن و مُدامێن کارئے نێستیا، ٹێلکشیئے نێمگا شُتگ‌اَنت که برے گۆن لهتێن وئیلان چۆ گاڑیئے چپّ کنگ و امنیتی و نزامی نیروانی تیرشانیا دێم په دێم بنت و آیانی جانا تهدید کنت.