رَسانک نیوز

سئے شمبهئے رۆچا ۲۰ شهریور ۱۴۰۳، سلاهبندێن مردمان پد چه اِشیا که یک جهمنندێن بلۆچے که شوانگی کار بوتگ زِرباری رۆدبارا آوار جتگ آییئے سرا تیرگواری و کُشتگ و آییئے لاش یک کشاورزی هئوزیا دئور داتگ.

چه اے جهمنندێن مردئے پجّارا تان انّون هچ هالے نێست بله گوَشگ بیت که دازانئے هلکئے مردم چه زرباری رۆدبارئے نندۆکان گوَشگ بوتگ.

همے هالانی رِدا، اے جهمنندێن مرد پد چه اِشیا که آییئے رمگ وتی گواشئے تها شُتگ و آیانی همراه نبوتگ و گۆن مردمانی پَٹّ و پۆلا مهمدآباد کتکیئے هلکا چه رۆدبارئے دمگان، آییئے لاش یک کشاورزی هئوزیا درگێجگ بوتگ.

چه جنۆکانی جنَگئے سئوب و آیانی پَجّارا تان انّون هچ هالے نێست بله گوشگ بیت که آییئے گۆن گرمێن سلاهیئے گۆما کُشگ بوتگ.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.