رَسانک نیوز

دوشمبهئے رۆچا ۱۲ شهریور ۱۴۰۳،  بلۆچے واشا مهمدآبادئے هلکا هُنرستانئے دێما سلاهبندێن مردمانی تیران آماچ بوتگ و گۆن آییئے برگ بئیگ مان هُمئینیئے نادراهجاها، ساهی داتگ.

اے بلۆچئے پجّار (اَلی کئورانی)، پیربکشئے چُکّ و ڈمنئے نندۆک چه پهرهئے دمگان گوَشگ بوتگ.

گێشێن هالانی رِدا، سلاهبندێن مردم که دو کس بوتگ و سئواریێن ماشینیا بوتگ‌اَنت واشا مهمدآبادئے هلکا اَلیئے نێمگا که زاتی ماشینئے گۆما گوَزگا بوتگ راستێن تیر گواری کُرتگ که آیی گۆن چُنت تیرئے ورگا وتی ساهی چه دستا داتگ.

چه جنۆکانی جنَگئے سئوبا و آیانی پَجّارا تان انّون هچ هالے نێست.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.