رَسانک نیوز

دوشمبهئے رۆچا ۱۲ شهریور ۱۴۰۳، سلاهبنڈێن مردمان، دو کس چه سپاهئے اتلاهتئے نیروانی که ملکی مردم بوتگ‌اَنت و وتی ماشینا سئوار بوتگ‌اَنت واش و دُزآپئے راها کساس اسکل آبادئے دمگا تیرانی آماچ کرتگ‌اَنت که یک کسے جاه په جاه کُشگ بوتگ و دگه یکّے ٹپّیگ بوتگ و هالی هراب اِنت.

یکّے چه کُشگ بوتگێن نیروانی پجّار (ممتاز شیرزیی)، ۴۵ سالگ، تپتانئے مردم چه بلۆچستانئے ڈگارا و آییئے کاٹی پجّار (مُهسن شه بکش) شێرمهمدئے چُکّ گوَشگ‌ بوتگ و چه ٹپّیگ بوتگێن نیروئے پَجّارا هچ هالے نێست.

همے هالانی رِدا، سلاهبندێن مردمان ممتاز شیرززیئے ماشین واش و دُزآپئے راها کساس اسکل آبادئے دمگان تیرانی آماچ کُرتگ که آییا گۆن چُنت تیرئے لگّگا وتی ساه چه دستا داتگ و آییئے همراها هم گۆن تیرئے لگّگا ٹپّیگ بوتگ.

هبر رسێنۆکان اے هبرئے تها گوَشتگ: ممتاز چه آ کرّی بلۆچستانئے سیمسری مردمان و چه سپاهئے کارِندهان اِنت که یکّے چه آ کسانے اِنت که اێرانئے جمهوری اسلامیئے هُکومتئے دێما اۆشتۆکانی کُشۆکان اِنت که رَند چه اشیا که نامی در رپتگ اێرانا آتکگ و سپاها په آییئے پجّاری کاٹے گۆن (مُهسن شه بکشئ) پجّارا اڈ کُرتگ و داتگش.