رَسانک نیوز

۵ شهریور ۱۴۰۳، راسک و سربازئے شهدگا ٹێلکشّێن ماشینیئے نێمگا نزامی نیروان تئوار کرتگ، ماشین والایا لۆٹتگ چه تیران درگزا ببیت، رئوگئے درگتا چه ماشینا دئور کنت و ٹپّیگ بوتگ.

بلۆچ ٹێلکشّئے پجّار (اَبدُل رزاک هسن زهی)، ۲۱ سالگ انتی، دمگ راسک پیشنا نندۆک انت.

سربوتگێن هالانی رِدا، راسک و سربازئے شهدگا نزامی نیروانی ٹێلکشّێن ماشینیئے نێمگا تیرگواری کُرتگ که تیر ماشینئے ٹئیران لگّتگ و رانندها چه ترسا که تیر آییا ملگّنت وتارا چه ماشینا دئوری داتگ دئور کنگ سئوب بوتگ آ ٹپّیگ ببیت و انّون راسکا ولایتئے نادراهجاها واپێنگ بوتگ.

گێشێن هالانی رِدا که چه ائولئے ۲۰۲۳ئے سالا جم کنک بوتگ‌اَنت، کم چه کم ۳۲۱ کس چه ٹێلکشّێن بلۆچان گۆن وڑ وڑێن وئیلان، کُشگ و ٹپّیگ کنگ بوتگ‌اَنت که نزامی نیروانی راستێن تیرگواریان ۲۸ ٹێلکشّ بێران بوتگ و ۱۷ کس ٹپّیگ بوتگ. جادهی وئیلان هم ۱۹۴ کس ٹپّیگ بوتگ. نامالومێن مردمانی تیرگواریان هم ۸ کس بێران بوتگ، و ۲ کس ٹپّیگ بوتگ. اے دگه وئیلان چۆ هار، دگه انچێن ناشناسێن وئیلاے ٹێلائے ڈیپوێا کپیت  کم چه کم ۱۴ کس ٹپّیگ و بێران بیت.