رَسانک نیوز

شمبه رۆچا ۳ شهریور ۱۴۰۳، بلۆچے پهرها مهمدآبادئے هلکا سلاهبندێن مردمان مان دوکانێئے تها چاکۆئے و جتگ هم جاگها بێران بوتگ.

اے  بلۆچئے پجّار (یهیا اپسری)، ۲۴ سالی بوتگ، اَلّاه بکشئے چُکّ و مهمد آبادئے هلکا پهرئے نندۆک بوتگ.

گێشێن هالانی رِدا، یهیا و دگه چُنت کسئے نیاما درگیری پێش آتک که آیان گۆن چاکۆا یهیائے سرا بیڑ بُرتگ و جتگِش که آ گۆن بازێن ٹپ و هۆنریزیان ساهی داتگ.

گۆن ۲۰۲۳ئے سالئے جم کُرتگێن هالان، کم چه کم ۱۹۲  بلۆچ پجار نبوتگێن و سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.