![](https://rasanknews.com/wp-content/uploads/2024/07/photo_2024-07-23_07-50-43-1024x1024.jpg)
رَسانک نیوز
چارشمبهئے رۆچا ۲۷ تیر ۱۴۰۳، یک جهمنندێن بلۆچے وتی سنگتانی هۆرێن هبر هبریئے تها کلّێنک هست هانیئے هلکا اێرانشهرئے شهرا وتی ساهی چه دستا داتگ.
اے جهمنندئے پجّار (امیرهمزه آرن)، ۱۸ سالگ، رُستمئے چُکّ و کلّێنک هسن هانیئے هلکئے مردم چه پهرهئے دمگانی نندۆک گوَشگ بوتگ.
همے هالانی رِدا گوشگ بوتگ، امیرهمزه یک درگیریئے تها که آییئے و آییئے پنچ سنگتئے درنیاما بوتگ رَند چه اِشیا که وت مان وتا هبر هبرے پێش آتکگ وتی ساهی چه دستا داتگ.
گوَشگ بیت که رَند چه اے وئیلا امیرهمزهئے جنۆکان زوت زوتا آ جاه وئیل کُرتگ و شتگاَنت.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگاَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هستاِنت.
Be the first to comment