![](https://rasanknews.com/wp-content/uploads/2024/07/photo_2024-07-23_07-41-14.jpg)
رَسانک نیوز
پنچشمبهئے رۆچا ۲۸ تیر ۱۴۰۳، بلۆچ ٹێلکشے پتکوکیئے سیمسرا کله گانئے و سراوانئے دمگان، سیمسری هنگئے نیروانی دستا ابێد چه پێسریگێن گۆش جنیا دئیگا تیرانی آماچ بوتگ و سکّ ٹپّیگ بوتگ.
اے بلۆچێن جهمنندئے پجّار (آرمان شعلی بر)، ۲۲ سال انتی، هُدابکشئے چُکّ انت، شستونئے نندۆک انت.
گوشگی اِنت که پنچشمبهئے بانگواها، سیمسری هنگئے نیروان گۆن ٹێلکشانی راهئے سرا بے ڈایا تلکئے جتگ، ابێد چه پێسریگێن گۆشجنیا و اۆشتارێنگا که ماشینے که واتر کنگا بوتگ تیرگواری کُرتگ که راننده چه پادانی نێمگا گۆن چُنت تیرئے ورگا سکّ ٹپّیگ بوتگ و وتی مردمان دستا نادراهجاها برگ بوتگ.
همے هالانی رِدا، رَند چه اشیا که نزامی نیروان آرمان تیرانی آماچ کُرتگ و آییئے ٹپّیگ بوتگ، سیمسرئے هنگئے نزامی نیروان اے تیرگواریئے سئوب مُهرّمئے وهدئے ٹێلکشی گوشتگ و ابێد چه اِشیا که آییئے هالا بچارنت جاهِش وئیل کُرتگ و شتگاَنت و آ هلکئے مردمان آییئے لۆگئے مردمانی سرا پئون کُرتگ و آییئے سیادان نادراهجاها بُرتگ.
گوَشگ ببیت که گۆن سالئے جم کُرتگێن هالان، ۲۰۲۳ئے سالا کم چه کم ۳۲۱ ٹێلکش گۆن نزامی نیروانی راستێن تیرگواریان، جادّهی وئیلان، نامالومێن سلاهبندێن مردمانی تیرگواریان، هار و آس سۆچیان بێران و ٹپّیگ بوتگاَنت.
Be the first to comment