![](https://rasanknews.com/wp-content/uploads/2024/07/photo_2024-07-19_01-03-24.jpg)
رَسانک نیوز
دوشمبهئے بانگواها ۲۵ تیر ۱۴۰۳، یک جهمنندێن بلۆچے کُنتئے هلکا هیدۆچئے ملکا چه سێب سۆرانئے شهرا نامالومێن سلاهبندێن مردمانی تیرانی آماچ بوتگ و گۆن چُنت تیرئے ورگا وتی ساهی چه دستا داتگ.
اے جهمنندێن بلۆچئے پجّار (مهران پاهنگ)، ۲۰ سالگ، شێراَلیئے چُکّ، کنتئے هلکئے نندۆک چه هیدوچئے دمگان سێب و سورانئے شهرا گوشگ بوتگ.
گوَشگ ببیت که مهران دوشمبهئے بانگواها وتی لۆگئے دپا کنتئے هلکا نامالومێن سلاهبندێن مردمانی تیرانی آماچ بوتگ و گۆن سه تیرئے ورگا و نادراهجاهئے راها، وتی ساهی چه دستا داتگ.
چه جنۆکانی جنَگئے سئوبا انگت هچ هالے دستا نکپتگ.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگاَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هستاِنت.
Be the first to comment