![](https://rasanknews.com/wp-content/uploads/2024/07/photo_2024-07-19_00-56-53-1024x1024.jpg)
![](https://rasanknews.com/wp-content/uploads/2024/07/photo_2024-07-19_00-56-56.jpg)
رَسانک نیوز
پنچشمبهئے رۆچا ۲۱ تیر ۱۴۰۳، دو لندگروز و سایپاێن وانتئے ڈیکّر ورگئے گۆما پشامگئے راها، کرایکئورئے دو راهیا چه پێسر، راسکئے شهرئے دمگان یک ٹێلکشێن بلۆچیا وتی ساه چه دستا داتگ و دو کَس ٹپّیگ بوتگ.
بێران بوتگێن ٹێلکشئے پجّار (اهسان بهرامزهی نزرت) ۲۳ سالگ، اَبدُلملکئے چُکّ و دوێن ٹپّیگ بوتگێن ٹێلکشانی پجّار (مهمد بهرامزهی) کساس ۱۸ سالگ، اهمدئے چُکّ و (کریم بکش آرامش)، کساس ۱۹ سالگ، اَبدُلبشیرئے چُکّ و دراهێن چه سربازئے دمگان، دیمَگانئے هلکئے مردم گوَشگ بوتگاَنت.
همے هالئے رِدا، اے وئیل پشامگئے راها، پێسر چه کرایکئورئے دوراهیا راسکئے شهرا گۆن دو ٹێلکشێن ماشینئے ڈیکّر ورگا پێش آتکگ که دو ماشینئے چپّ کنگئے سئوب بوتگ که ماشینئے راننده چه بازێن ٹپّان وتی ساهی چه دستا داتگ و یکے دگه ٹپّیگ بوتگ و انچۆ سایپاێن ماشینئے راننده سکّ ٹَپّیگ بوتگ.
گوَشگ ببیت که گۆن سالئے جم کُرتگێن هالان، ۲۰۲۳ئے سالا کم چه کم ۳۲۱ ٹێلکش گۆن نزامی نیروانی راستێن تیرگواریان، جادّهی وئیلان، نامالومێن سلاهبندێن مردمانی تیرگواریان، هار و آس سۆچیان بێران و ٹپّیگ بوتگاَنت.
Be the first to comment