رَسانک نیوز

شَمبِهئے بانگواها ۲۳ تیر ۱۴۰۳، یک جهمنندێن بلۆچے گۆن سلاهبندێن دُزّانی تیرگواریا کساس گرگرۆکئے پُهلا، دشتیاری و چهبارئے راها رَند چه چُنت تیرئے ورگا وتی ساهی چه دستا داتگ.

اے بلۆچێن جهمنندئے پجّار (سراج نۆهانی)، کساس ۱۸ سالگ، رسول بکشئے چُکّ جُمپانیئے بازارئے نندۆک چه باهو کلاتئے هلکا و دشتیارئے شهرئے دمگان گوَشگ بوتگ.

همے هالئے رِدا، سلاهبندێن دُزّان لۆٹتگ سراجئے ماشینا بدُزّنت که آییئے دێمگیری سئوب بوتگ تان دُزّ آییئے نێمگا اُرُش ببرنت و آیی رَند چه چُنت تیرئے ورگا وتی ساهی چه دستا داتگ.

گوشگی اِنت که اے جهمنندێن بلۆچئے جنازهئے نماز یکشمبهئے زُهرا، آییئے نندگئے هلکئے تها وانێنگ بوتگ.