رَسانک نیوز
چارشمبه رۆچا ۱۸ بهمن ۱۴۰۲، دو جهمنندێن بلۆچ که سئے شمبهئے رۆچا ۱۰ بهمن ۱۴۰۲، آوار جنَگ بوتگ‌اَنت، رَند چه هشت رۆچئے گوَزگا آجو کنگ بوتگ‌اَنت.
اے دوێن بلۆچ جهمنندانی پجّار “آرپ مهمدی زاده”، ۱۸ سالگ انتی و زاهدانئے مردم و “ماویه ریگی”، ۲۱ سالگ انت، لادیزئے هلکا میرجاوهئے دمگان نندۆک گوشگ بیت.
گۆن اے رستگێن هالا، ماویه و آرپ رَند چه اِشیا که آیانی دینی وانگجاهئے درس هلاس بوتگ‌اَنت په کارگریئے واستا یزدئے شهرا رئوگا بوتگ‌اَنت که کرمانئے ائولئے پُترگئے تها نزامی نیروانی دستا آوار جنگ و نامالومێن جاهیش بُرتگ‌اَنت.
Be the first to comment